Të paktën 37 militantët të Daesh-it në Sirinë lindore janë vrarë pasi avionët e koalicionit të udhëhequr nga amerikanët goditën zona të kontrolluara nga ky grup, bën të ditur grupi monitorues.

Observatori Sirian për të Drejtat e Njeriut tha se militantët e Daesh-it janë vrarë kur avionët e koalicionit intensifikuan sulmet e tyre në fshatin Souseh, në brigjet lindore të lumit Eufrat, transmeton portali arbresh.info.

Monitoruesit shtuan që dhjetëra militantë gjithashtu janë plagosur në sulmet ajrore dhe betejat tokësore, në të cilat Forcat Demokratike Siriane (SDF) arriti të avancojë në disa pjesë të Souseh.

Në shtator, SDF tha se ata kishin filluar fazën përfundimtare të fushatës së tyre kundër militantëve të Daesh në provincën lindore të Deir al-Zour.

Sipas mbikëqyrësit, rreth 456 luftëtarë të Daesh janë vrarë që nga fillimi i ofensivës.

Monitoruesi i luftës tha se 41 civilë, përfshirë dhjetë fëmijë, u vranë në sulme koalicioni më parë këtë muaj, më 18 dhe 19 tetor.

SDF tha se ofensiva do të përqendrohet në disa qytete, duke përfshirë Hajin dhe al-Shafa, pranë kufijve me Irakun.

SDF ka luajtur një rol të madh në luftën kundër Daesh në Siri, duke marrë shumicën e kështjellave të milicisë ekstremiste në provincat Al-Raqqa dhe Deir al-Zour.

Militantët e Daesh vazhdojnë të kontrollojnë pjesë të vogla në Sirinë lindore dhe jugore. Grupi ekstremist ka pësuar pengesa ushtarake, duke humbur pjesën më të madhe të territorit që kontrolloi në Siri dhe në Irakun fqinj./arbresh.info/